Search This Blog

Sunday, 12 March 2017

Tyd om te groet, maar is alles in orde?


Vandag het ek vir my ouma gaan kuier. Sy is bykans 91 jaar oud en is onlangs met kanker gediagnoseer in haar organe. Sy het gekies om dit nie te beveg nie en ons weet dat sy nou op geleende tyd leef. Terwyl ek daar was, het ek vir haar uit die Bybel gelees en bietjie met haar gesels. Dit was vir my pertinent belangrik om uit te vind of sy gereed is om te gaan. Dit was nog meer belangrik om te weet of sy seker is dat sy hemel toe gaan. Haar antwoord was 'n versekerde en gerusstellende ja. Laat ek dit duidelik stel, dit was nie die eerste keer dat ek en sy hieroor gepraat het nie. As ek na haar lewe kyk, het ek ook geen rede om daaroor te twyfel nie. Tog het ek gevoel dit is belangrik om dit nogeens vas te maak. Dit was ook nodig om te sê dat ons gereed is vir haar om te gaan, dat ons haar sal mis, maar dat ons okay sal wees.
My vraag aan jou is: Is jy gereed om te gaan? Ons het nie almal die kennis van die naderende dood nie. Ons gaan nie noodwendig 90 word en kanker kry en weet wanneer dit tyd is om ons geestelike sake in orde te kry nie. Is jy vanaand gereed? Is jy seker waarheen jy gaan? Jy kan seker wees, want elkeen wat Jesus aangeneem het en in Hom glo, het die reg om kinders van God genoem te word. As jy nie seker is nie, is jy welkom om my te kontak en ek sal met groot liefde 'n pad saam met jou loop. Hierdie saak kan jy nie bekostig om langer uit te stel nie.
Bid saam: Vader, ek het baie foute gemaak en ek was hardkoppig en het gedoen wat ek goed gevind het. Ek het nie gestop om te vra na U wil vir my lewe nie. Ek wil vanaand bely dat ek verkeerd gedoen het deur my eie belange te soek en U op die agtergrond te skuif. Vergewe my, asseblief. Was my skoon. Maak my heilig en rein. Ek lê my lewe voor U en vra dat U beheer daarvan sal oorneem by my. Ek dank U, Jesus, vir wat U gedoen het toe U aan die kruis gesterf het. Ek aanvaar die vergifnis wat U daar vir my bewerk het. Ek erken my afhanklikheid van U en ek bely my liefde vir U. Dankie Vader. Dankie Jesus. Amen.

Marietjie Uys (Miekie) is a published author. You can buy the books here:
You can purchase Designs By Miekie 1 here.
Jy kan Kom Ons Teken en Verf Tuinstories hier koop.
Jy kan Kom Ons Kleur Tuinstories In hier koop.
Jy kan Tuinstories hier koop.
You can follow Miekie's daily Bible Study blog, Bybel Legkaart, here in English & Afrikaans.
For more crafty ideas and great products, visit A Pretty Talent on Facebook.
Remember to keep nurturing your TALENT for making PRETTY things.
You can subscribe to this blog and receive regular updates by email by simply registering your email address at the top of the current blog.