Wag in geloof

Ek wil gou deur 'n paar losstaande gedeeltes in Numeri hardloop om 'n verhaal in sy geheel te vertel. Moses stuur 12 verspieders uit en 2 kom terug, gereed om die land in besit te neem, want God het gesê Hy gee dit vir hulle, reuse ten spyt. Weens hul ongeloof moet die volk 40 jaar lank deur die woestyn dwaal, todat al die ongelowige volwassenes uitgesterf het. Net die 2 gelowige verspieders oorleef die trek, Josua en Kaleb. Albei is nou 80+. Kaleb dring nou daarop aan om die grondgebied te kry wat God destyds al vir hom beloof het, presies daar waar die reuse bly. Hy is steeds bereid om reuse aan te pak, want hy vertrou God om te doen wat Hy gesê het Hy sal doen.

Hoe lank wag jy nou al vir jou beloofde land? Hoe lyk jou vertroue en geloof? As jy een van die maagde was wat op die Bruidegom gewag het, sou daar nog olie in jou lampie gewees het? God is nie 'n mens dat Hy sal lieg nie. As ongeloof in jou verhouding met God ingesluip het, is hierdie oomblik die regte tyd om dit te bely en jouself opnuut gereed te maak om Sy beloftes te ontvang. Prys God wat altyd daar is en nooit teleurstel nie.

Marietjie Uys (Miekie) is a published author. You can buy the books here:
You can purchase Designs By Miekie 1 here.
Jy kan Kom Ons Teken en Verf Tuinstories hier koop.
Jy kan Kom Ons Kleur Tuinstories In hier koop.
Jy kan Tuinstories hier koop.
You can follow Miekie's daily Bible Study blog, Bybel Legkaart, here in English & Afrikaans.
For more crafty ideas and great products, visit A Pretty Talent on Facebook.
Remember to keep nurturing your TALENT for making PRETTY things.
You can subscribe to this blog and receive regular updates by email by simply registering your email address at the top of the current blog.