God help slegs die wat hulleself help?

Psalm 81:12-15 "Maar my volk het nie na My geluister nie, Israel wou niks met My te doen he nie. Daarom het Ek hulle laat begaan in hulle koppigheid en hulle het hulle eie sin en wil gevolg. Ag, as My volk maar na My wou luister, as Israel My wil wou doen, hoe gou sou Ek hulle vyande nie op die knieë bring en hulle teenstanders met My eie hand verslaan nie."

Dan is dit seker nou tyd vir besinning. Is my vyande besig om te wen? Dan is dit moontlik dat ek nog nie my wil aan God s'n onderwerp het nie. Dalk het ek God bietjie op die agtergrond geskuif en besluit om my 'gesonde verstand' en sin te volg. Dalk gebruik ek daai verskoning van God help slegs die wat hulle-self help, daai verskoning wat nêrens in die Bybel te vind is nie. Dalk moet ek myself aan God help en al die ander dinge eenkant skuif. Dalk kan ek dan terugstaan en sien hoe God die oorwinning met Sy eie hand vermag. Na alles is dit tog wat hier staan. Dalk is dit tyd dat ek God op Sy Woord vat en Hom vertrou.
Bid saam met my: Vader en Here Jesus Christus, ek onderwerp my wil aan U wil, my denke aan U gedagtes, my kennis aan U wysheid, my sin vir rigting aan U leiding. Ek gee alle beheer oor en verklaar hiermee dat U in beheer is. Help my om nie weer die beheer by U te probeer terugneem nie. My lewe, my huis, my mense, my besittings plaas ek in U hande. Neem beheer. Dankie vir dit wat U doen in my lewe. Mag U meer word en ek minder. Ek bid dit in Jesus se Naam. Amen.

Marietjie Uys (Miekie) is a published author. You can buy the books here:
You can purchase Designs By Miekie 1 here.
Jy kan Kom Ons Teken en Verf Tuinstories hier koop.
Jy kan Kom Ons Kleur Tuinstories In hier koop.
Jy kan Tuinstories hier koop.
You can follow Miekie's daily Bible Study blog, Bybel Legkaart, here in English & Afrikaans.
For more crafty ideas and great products, visit A Pretty Talent on Facebook.
Remember to keep nurturing your TALENT for making PRETTY things.
You can subscribe to this blog and receive regular updates by email by simply registering your email address at the top of the current blog.